helgistund

SVO 2007!

2009-06-05T11:21:00.000Z

sjitt hvað bloggið mitt er eitthvað 2007..

ráðherrar og ráðskonur?

2007-11-28T01:12:00.000Z

ég bíð spenntur eftir því að vita hvaða orð verður ákveðið í stóra ráðherramálinu, og aldrei þessu vant er ég ekki harður á móti feministum í þessu máli. Mér finnst freyja skjást - skárra en ráðskona allavega

Fannst líka fínt það sem einhver stakk upp á; ráðherfa

í stíl við það væri hægt að segja senditík í staðinn fyrir sendiherra.

ágústblogg

2007-09-04T17:35:00.001Z

eða reyndar svona "byrjun-september".

Ég er eiginlega hættur að hugsa sem sjálfstæð persóna og farinn að hugsa í gegnum Kristleif - kannski er það eitthvað sem maður á ekki að gera.
Mér finnst nánast skringileg tilhugsun að blogga um eitthvað annað en Kristleif.

En allavega er það helst í fréttum að ég er að fara að vinna á leikskóla; leikskólanum Jörfa sem er í 17 sek göngufjarlægð frá heimilinu.

Svo var ég að bæta nýtt met.. hugsa ANNA að þú hefðir orðið ánægð með að sjá. Ég keypti þrjú skópör á markað í Perlunni fyrir 14 þús kall alls. Eina vatnshelda gönguskó, eina gullfallega (að mati Ásdísar) spariskó og eina rosa þægilega hversdags sem ég valdi. Fyrir hvert par sem bættist í sarpinn spöruðust þúsundir króna enda allt á mega afslætti (50% held ég) - og það var því án slæmrar samvisku sem við héldum upp á 4. hæð kringlunnar og fengum okkur súpu og brauð á kaffihúsinu þar!

júlíblogg

2007-07-13T13:40:00.000Z

Ég get ekki fullyrt með góðri samvisku að ég sé ekki áfylltur góðum slatta af hégóma.. Í gær keypti ég magnara, geislaspilara, hátalara, útvarp, vínilspilara og dvd spilara. Mér til hugarþægðar voru gömlu fermingargræjurnar ónýtar og enginn dvd spilari á heimilinu þannig að samviskubitið bítur ekki fast.

Nú byrjar bara hið flókna: að tengja þetta allt saman...

bureytingar

2007-06-10T10:29:00.000Z

Það að eignast barn breytir manni slatta.. í mínu tilfelli virðist ég t.d. hafa hætt endanlega (næstum því) að blogga.. Svo er ég líka búinn að raka mig þrisvar á hálfum mánuði!

Nú verður aðalsíða mín á næstunni þessi:

Kristleifurheidar.blogspot.com

sjokkið búið

2007-05-03T08:38:00.000Z

Nú er maður búinn að venjast tilhugsuninni um að eiga lítinn strák í kassa upp á spítala. Það gengur allt rosa vel með hann nema meltingin á svolítið eftir að þroskast. En það vantar bara herslumuninn á það. Hann er byrjaður að þyngjast aftur eftir að hafa verið kominn niður í 1400 g. Þeir bjuggust alls ekki við að hann mundi losna við súrefnisaðstoð strax, en hann þurfti bara fyrstu dagana.. Þeir prófuðu að taka súrefnisaðstoð af honum og ætluðu að setja hana fljótlega á aftur, en það bara þurfti ekkert. Duglegur Kristleifur. Nú er bara skemmtilegt verkefni fram undan; að fylgjast með honum stækka og dafna upp á spítala.. en síðan verður yndislegt að fá hann heim einhvern tímann eftir miðjan júní.

flott húfa

þetta litla snuð virkar svolítið stórt á svona lítið andlit

Kristleifur Heiðar

2007-05-03T08:02:00.000Z

lítill og léttur

með lófa undir kinn

dvelur í draumahöll

drengurinn minn

agnarsmá lítil augu

örsmáar hendur og fætur

elsku drengurinn okkar

æ hvað þú ert sætur

rembingur

2007-04-26T07:32:00.000Z

Hér sést hvernig hann rembist og geiflar sig stundum, hann grenjar lítið en gráturinn minnir svolítið á nýfædda hvolpa, svona skær tístandi grátur..

Allt gott að frétta annars, hann stendur sig vel..

LEg

2007-04-25T07:54:00.000Z

hér sést hvernig reynt er að líkja eftir legi - svo krakkinn finni aðeins fyrir öryggi móðurkviðsins..

jæja

2007-04-25T01:25:00.001Z

Þetta var víst fyrirburi - en hann var samt 6 merkur sem er nú þokkalegt. Verður í hitakassa í nokkrar vikur. Allt lítur bara vel út

Ég er samt ekki að ná þessu alveg...

fjórar staðreyndir VIII

2007-04-18T12:58:00.000Z

Ég er þreyttur
Ég er sveittur
Ég er að verða pabbi
Ég er breyttur

kúkur og piss III

2007-04-18T12:12:00.000Z

Skítapælingar okkar Sigga hafa leitt okkur víða um dagana en við komumst í feitt um daginn og gott ef það er ekki alþjóðlegt hneykslismál. Allir kannast við lagið The long and winding road

The long and winding road
That leads to your door
Will never disappear
Ive seen that road before
It always leads me her
Lead me to you door

The wild and windy night
That the rain washed away
Has left a pool of tears
Crying for the day
Why leave me standing here
Let me know the way

Many times Ive been alone
And many times Ive cried
Any way youll never know
The many ways Ive tried

But still they lead me back
To the long winding road
You left me standing here
A long long time ago
Dont leave me waiting here
Lead me to your door

But still they lead me back
To the long winding road
You left me standing here
A long long time ago
Dont leave me waiting here
Lead me to your door
Yeah, yeah, yeah, yeah

Þetta lag kom út árið 1970 á plötunni Let it be; síðustu plötunni sem Bítlarnir gáfu út.

Árið 1966 tóku fjórmenningarnir í hljómsveitinni Irritable bowel upp nokkur lög sem áttu að koma út á plötu fyrir jólin ´66. En þeir lentu allir í flugslysi áður en af því gat orðið og gleymdust þessi lög uppi í hillu Abbey Road stúdíósins. Það sem öll þessi lög áttu sameiginlegt var að þau voru um einhvers konar hægða- og/eða þvagtregðu. Þarna innan um voru lög sem voru sláandi lík lögum Bítlana, sem dæmi má taka harðlífislagið The long and winding turd:

The long and winding turd
That leads to the floor
Will never disappear
Ive seen that turd before
It always leads me here
to the bathroom door

The wild and windy fight
and the pain all the day
Has left a pool of tears
Crying for a way
Why leave it hanging there
Let it go away

Many times Ive been alone
And many times Ive cried
Any way youll never know
The many ways Ive tried

But still it leads me back
To a long winding turd
it left me sitting here
A long long time ago
Dont leave me waiting here
Lead me to the door

Annað dæmi gæti verið lagið Þvagtregðulagið Let it pee.. og svona mætti lengi telja. En annars má segja Bítlunum til hróss að það er aðdáunarvert hvernig þeim tókst að taka óslípaða demanta og gera úr þeim frábær listaverk.

Annars verður þetta verkefni hjá mér í framtíðinni að taka upp svona tregðuplötu og mun hún annaðhvort heita Let it pee eða it´s a hard life.

af hverju ekki sjónvarp

2007-03-30T19:36:00.000Z

með zero "coke zero" auglýsingum..??

Guð minn góður hvað mér finnst þessi auglýsingaherferð misheppnuð. zero smellur á brjóstahaldara dööö.. Þeir hafa horft aðeins of mikið á þessa amerísku sitcom þætti þar sem hinn týpiski karlmaður er með greindarvísitölu á við simpansa og hugsar ekki um annað en bjór, brjóst og bíla..
..óþolandi..

hata þessa auglýsingu og hata líka nýja ömurlega fréttastefið í útvarpinu. Væri til í hungurverkfall (næstum því) til að fá það gamla aftur!

skrítnir dagar

2007-03-22T10:46:00.000Z

vaknaði klukkan 7 í gærmorgun og horfði á Beverly hills-þátt

Fannst ég sjá Donald Rumsfeld í bænum áðan (væntanlega missýn)

horfði á hálfan Rachel Ray þátt í gær og þar var 17 ára stúlka sem var búin að fara í 3 lýtaaðgerðir; varastækkun, brjóstastækkun og húðdæmi eitthvað.. Hún leit út eins og trúður með þessar varir en öllum fannst þetta bara fínt þó hún væri kannski pínu ung - hvað er í gangi?

Hver heitir Kolbeins? Guðbjörg Hildur Kolbeins.. hvurslags nafn er það? ætli hún sé skyld Ásgeiri Kolbeins..

Ég er kominn í átak. Fékk mér árskort í ræktina og er búinn að mæta tvisvar. Er 76,7 kg en ætla að vera 73 í janúar.. 200 g fokin nú þegar.

"Vera" er strax byrjuð að vera til vandræða.. sparkaði næstum í punginn á mér þar sem ég stóð við hliðina á Ásdísi, en.. kannski var það bara óvart!

Við fórum í mæðraskoðun áðan og heyrðum hjartsláttinn - það er ekkert smá hraði á svona litlu hjarta - VÁ!

Smáralind

2007-03-15T10:15:00.000Z

Doktor í háskólanum skrifaði:

"Auglýsingabæklingur frá Smáralind var borinn í hús í dag. Á forsíðunni má sjá unga stúlku á háum hælum í velþekktri stellingu úr klámmyndum. Hún er tilbúin til þess að láta taka sig aftan frá. Með munninn opinn býður hún lesendum af karlkyni að setja skaufa sína upp í sig. "

Já..
Alltaf virðist smáralindin tengjast einhverjum skaufum...

uppeldið byrjað

2007-03-08T19:52:00.000Z

já, ég er byrjaður að ala upp "Veru" þó enn séu nokkrir mánuðir þangað til hún lítur dagsins ljós. Á hverju kvöldi spila ég nokkur klassísk verk á píanóið fyrir hana og hún byrjar yfirleitt að sprikla og dansa. Hún virðist hrifin af Sjostakovits en minna af Prokofieff.. Ég er búin að spila mikið af þýskri klassík sem fellur vel í kramið. Íslensk barnakórslög féllu einnig í góðan jarðveg. Auðvitað er ég búinn að spila Bartók og Liszt líka og örvæntið ekki, franskur impressionismi verður bráðum á dagskrá.

Síðan ætla ég að fara að spila eitthvað af diskum líka. Er reyndar búinn að prófa 9. sinfóníu Mahlers sem virtist tormelt - enda er hún það sosum..

Annars sýnist mér "Vera" vera með góðan smekk.

spá

2007-02-27T09:56:00.000Z

mér finnst spennandi að sjá hversu næmur ég er á hlutina og ætla því að spá fyrir um úrslit kosninganna í vor

ef ég næ að vera með allt innan 1,5 % marka er ég sáttur við árangurinn!

B 12,3
D 35,5
S 27,2
F 7,8
V 17,2

Ríkisstjórnin fellur
B fellur ansi mikið
D bætir pínu við sig
S hefur verið að drulla á sig í skoðanak. en sækir aðeins í sig veðrið
F bætir smá við sig
V stórbætir sig

Þetta er tilfinning mín..

maður lærir ýmislegt eftir því sem maður fullorðnast

2007-02-18T00:13:00.000Z

svo lengi lærir sem lifir

Það er ekki sniðugt að borða 2 hamborgara með frönskum og kók rétt fyrir svefninn.

Þá dreymir mann bara einhverja vitleysu og vaknar með magaverk.

Framvegis ætla ég að láta 1 nægja.

mig dreymdi

2007-02-18T00:04:00.000Z

að ég væri á fyllerí með miklum mannfjölda, m.a. kórnum og einhverjum mörgum fleiri.

Ég var á tali við Spánverja sem var ógnarsmár, ca. helmingi minni en ég og hann var með svona spænskar krullur, maradona-krullur. Ég dýrkaði þennan gaur og það fór vel á með okkur.

Skyndilega heyrðist mjög hávær sinfóníubíómyndatónlist og síðan beint í kjölfarið kom væmin trúbadortónlist þegar Brandon úr Beverly Hills 90192039 kom askvaðandi. Skyndilega var ég kominn inn í lokaþátt Beverly Hills og það kom í ljós að Brandon var ættleiddur og var að hitta raunverulega foreldra sína... og það var þess vegna sem væmna trúbadortónlistin var.

Ég man síðan ekki meir fyrr en þátturinn endaði en þá komu allir leikararnir hlaupandi fram á sjónarsviðið og Beverly Hills lagið var blastað.

en það var ekki nóg með að leikararnir kæmu hlaupandi heldur komu líka ungu útgáfurnar úr fyrstu seríunni hlaupandi, þannig að það voru tvö eintök af hverjum. Ég hljóp um sviðið í nostalgíukasti og virti fyrir mér ungu og gömlu týpuna af hverjum leikara. Ég hljóp meðal annars að ungu Brendu og kleip í brjóstin á henni.

þá vaknaði ég og var illt í maganum.

hehe

2007-02-14T22:52:00.000Z

Ásdís er byrjuð að breytast í laginu...

hitastig í heilanum

2007-02-12T08:53:00.000Z

ískalt

Baugsmálið. Ég hef aldrei haft áhuga á því og hef sífellt minni eftir því sem árin líða. Nú í morgun var úttekt á rás1 á Baugsmálinu. Ég hefði frekar hengt mig en hlusta á það.

kalt

Vörutorg á Skjá einum. Guð minn almáttugur hvað það er hallærislegt allt saman.

volgt:

Rachel Ray. Ég hlakkaði til þegar nýir matreiðsluþættir voru að byrja á Skjá einum en... svo er hún bara að tala mest allan tímann, grípur fram í fyrir viðmælendum þannig að...

heitt

Hafragrautur á morgnana. Heitur og góður, kannski ekki mest spennandi matur í heimi en hvílík undirstaða. Ég er trylltur yfir því að ég hafi ekki byrjað að borða hafragraut fyrr en í sumar.

snarkandi

Heroes.. Rosa spennandi, bíð spenntur eftir hverjum þætti, vonandi enda þættirnir samt ekki eins og LOST – í algjörri vitleysu með uber teygðan lopa!

(Gaddfreðið: LOST – lopinn er slitinn!)

veikur :(

2007-02-07T13:28:00.002Z

Búinn að vera veikur alla vikuna omg... leiðinlegt!

kostir:

hangi heima
horfi á vídeó
fæ þjónustu og stjan frá maka

gallar:

hangi heima
engar vídeóspólur til að horfa á
maki er að heiman frá 8-17

mér leiðist..

en maki gerði reyndar það góðverk í gærkvöldi að leigja tvær spólur: I kina spiser de hunde og this boys life.. þannig að nú skal njóta þess að vera veikur og glápa á þessar spólur!

050607

2007-02-07T13:28:00.001Z

er flott líka...

en alltof snemmt!

070707

2007-02-02T10:39:00.000Z

Ég mundi ekki kvarta þó þetta yrði fæðingardagur barns okkar... en... það er ekkert skilyrði sko!

once you go black - all you can say is takk

2007-02-01T12:06:00.000Z

á nokkra blýanta - flest allir daufir og pirrandi, en núna var ég að hripa niður minnisatriði með einum góðum og gildum - og vá hvað það kom dökkt! Maður þarf ekkert að rembast til að það komi eitthvað, neibb - bara "one gentle stroke" Af hverju eru ekki allir blýantar með svona dökku blýi?

blogg um blýanta
blogg er vart
vildi einungis árétta
ég elska svart

(hmmm)
(vonandi misskilur enginn..)

iðjuleysi

2007-01-24T11:55:00.000Z

maður er kannski orðinn gamall, þreyttur/stirður þegar maður heyrir í morgunleikfimi rásar 1 yfir hafragrautnum og hugsar með sér:

"sénsinn að ég nenni þessu!" - etteroferfitt

samt snerist málið nú ekki um annað en að teygja hendurnar upp í loftið og spenna ökkla og eitthvað slíkt..

note to self

2007-01-22T11:09:00.000Z

ekki reyna að fara heljarstökk aftur.

Það er ekki eðlilegt að fara að syngja með kór í Skálholti (hljómar sakleysislega) yfir eina helgi en enda á mánudegi með alla vöðva, taugar og bein líkamans í uppnámi. Þessar fimleikaæfingar á laugardagsnótt voru ekki alveg nógu vel ígrundaðar.. en þetta var engu að síður mjög gaman!

Little miss sunshine

2007-01-14T14:32:00.000Z

Mynd sem allir (ALLIR sko) þurfa að sjá.. algjör snilld. Fegurðarsamkeppnir og óhófleg óhófssemi tekið snyrtilega í rahóið.

:)

2007-01-12T13:37:00.000Z

Við erum ekki að eignast barn af því að það er eitthvað í tísku eða til að herma... bara af því okkur langaði til þess. Bara svona rétt til áréttingar...

Það eru allir óléttir þessa dagana eða með vart skríðandi króga þannig að maður kemur kannski út eins og hermikráka... en þetta er gaman..

0801

2007-01-12T13:32:00.000Z

já ég átti afmæli fyrir nokkrum dögum og er enn í sæluvímu. Það er ekki ónýtt þegar maður kemur úr vinnunni að það bíði manns dúkað borð og óvæntir matargestir.

hvítlaukshumar með humarsósu
krónhjartarlundir með villisveppasósu og rótargrænmetiskássu
splash! aladísa

Ég asnaðist ekki til að taka myndir af krásunum en nærri má geta að þetta leit bæði vel út og bragðaðist unaðslega.

2006

2007-01-05T12:03:00.000Z

Ég þroskaðist heilmikið á árinu 2006

Ég vann í fjórum mismunandi störfum, og var í kennaranámi.

Ég varð óléttur

Ég trúlofaði mig

Ég keypti nýja íbúð

Ég keypti verðbréf

Ég fór til Finnlands í fyrsta skipti, og til Svíþjóðar og Danmerkur

Ég tapaði 70000 kr á því að rispa bílaleigubíl (grrrrr)

Ég fór í bláa lónið

Ég varð í 32. sæti á heimslistanum í Striker of the month í ágústmánuði (ó hvað það var gaman á næturvöktum)

En svo reyndar er ýmislegt sem ég hef ekki þroskast með ennþá - - alas...

Ég er ennþá skapstirður og tapsár

Ég er ennþá þreklaus sóðalöpp

Ég les lítið af bókum (á eftir að lesa nýjustu Potter)

Mér finnst prumpulykt vond

Fór ekki á fjöll (Esjuna eða slíkt!)

en engu að síður...

2007 ! !

jólaskap IV

2006-12-24T21:29:00.000Z

Gleðileg jól!

jólin og áramótin eru svo skemmtilegur tími. Næstu áramót mun ég strengja tvö áramótaheit, elda aðeins oftar og vera góður faðir. Það ætti að nægja!

Gleðileg jól!

jólaskap III

2006-12-23T23:33:00.000Z

Ég fæ stundum skemmtilega tilfinningu, mínútu og mínútu í senn.. sem mætti flokka sem jólaskap. Þetta jóladæmi er alls ekki dautt úr öllum æðum þó gleðin sé ekki alveg jafn fölskvalaus og fyrir áratugum síðan. Svo er heldur ekki hvasst lengur (loksins) sem veldur mér skemmtilegum hug líka!

En næsta bloggfærsla verður án vafa: Gleðileg jól.. og eitthvað hamingjuskraf (happy talk ú je) en þangað til; Gleðileg jól!

hamingja

2006-12-18T18:25:00.000Z

Ég er eins og lítið hamingjusamt barn þessa dagana, þrátt fyrir dimmu og drunga. Ástæðan er:

2 brauðsneiðar
hrúga af lífrænu Sollu hnetusmjöri á aðra sneiðina
hrúga af lífrænni Sollu extra virgin kókosolíu (olían verandi virgin ekki Solla) á hina sneiðina
bananasneiðar og vel af hunangi sett ofan á hnetusmjörið og brauðsneiðunum skellt saman.
Svo fæ ég mér rjúkandi tebolla með.

þvílík hamingja.. Ég hlakka til að vakna á hverjum degi og fá mér eitt svona kvikindi í kaffitímanum.
mmmmmm..

alas

2006-12-13T11:29:00.000Z

Ég finn ekki tennisolnbogahlífarnar og nú þarf ég að reyra handlegginn á mér með júdóbelti í hvert skipti sem ég spila á píanó.

Græna beltið.. og Chopin

flókið líf

2006-12-12T10:58:00.000Z

Þegar ég var lítill var lífið einfalt. Nú er það orðið flóknara. Núna traðkar maður ýmsum um tær á ýmsan hátt ef maður passar sig ekki. Ef maður hefur einhvern vilja til að koma vel fyrir þá er það ekki nógu gott. Það kristallast mjög vel t.d. í þessu einfalda lagi hér (þ.e. eitt sinn einfalda lagi):

Ég vil líkjast Daníel og ég vil líkjast Rut
Rut er svo fín og góð
Daníel fylltur hetjumóð
Ég vil líkjast Daníel og ég vil líkjast Rut

(eitthvað svona)

Þetta söng maður grunlaus í æsku, en fyrir ekki mörgum árum fór fólk að benda mér á misræmið í þessu: góðar stúlkur, hetjufylltir strákar... og lífið flæktist.

Núna í vetur flæktist það enn þá meira þegar mér var bent á að þetta væri trúarlegt líka... þá eru semsagt komnar ennþá fleiri tær til að traðka á... soneretta.

Mig hefur lengi langað til að stjórna barnakór en mig langar það ekki lengur, það eru of margar tær til að traðka á og ég hata tær. Það er nógu erfitt að feta hinn gullna meðalveg í píanókennslunni, hvað þá þegar maður fer að syngja helvítis textann.

útvarpið okkar hatar gyðinga!

2006-12-08T12:05:00.001Z

Á tímum alhæfinga og upphrópana þá held ég að það megi fullyrða að útvarpið okkar hati gyðinga. Við settum aðventuljós í eldhúsgluggann við hliðina á útvarpinu og eftir það er varla hægt að hlusta á útvarpið fyrir truflunum. FM létt 96,7 næst sérstaklega illa. Alveg sama hvernig ég sný ljósastikunni það er eintómt surg. Ef ég smelli 7 arma ljósastikunni hins vegar niður á gólf þá er allt í þessu fína.

nostalgía

2006-12-07T11:01:00.000Z

Af hverju getur maður ekki lengur haft gaman af einföldum hlutum eins og að safna prumpi í flösku?

Those were the days my friend!

Falleg ssztúnd

2006-12-05T08:11:00.000Z

Lífið getur verið ljótt, jú jú...

en, inn á milli koma falleg augnablik.

Einhvern tímann í haust var ég að fara til vinnu á Kópavogshæli kl. kortér í 8 á laugardagsmorgni. Eins og gefur að skilja var töluverð þreyta í loftinu og skapið ekki sérstaklega klappvert.

En ég ræsti bílinn eins og gengur og bakkaði út af stæðinu eins og gengur og keyrði af stað eins og gengur en byrjar þá ekki að óma söngurinn Heims um ból þegar ég fer yfir fyrstu hraðahindrunina af mörgum á leið í Kópavoginn. Nánar tiltekið búturinn:

...en gjörvöll mannkind, meinvill í myrkrinu...

Þá hafði jólaspiladósakirkjan mín orðið eftir í bílnum og þessi stutti bútur hljómaði frá henni.

Ef þetta var ekki Gubbi að létta mér lundina í morgunsárið þá veit ég ekki hvað!

(Nema það hafi verið hristingurinn frá hraðahindruninni?!)

Alltént var þetta falleg stund

jólaskap II

2006-12-05T08:08:00.000Z

Ég kemst í hátíðarskap, þegar úti er snjór og krap.

Ótrúlegt hvað þetta er lífseigur snjór hérna. Búinn að vera í einhverjar vikur.
En koma svo Gubbi, meiri snjó, meiri snjó.

(En ekki það mikið samt að Micran festi sig).

gildi

2006-11-30T20:11:00.000Z

Það er ýmislegt sem gefur vinnu minni gildi. Það var t.d gaman núna fyrir nokkrum dögum þegar einn átta ára strákur hjá mér söng jólalag fyrir mig á æðislegan hátt.

Það er ýmislegt sem dregur úr yndi vinnu minnar. Það var t.d. óskemmtilegt þegar yfirmaðurinn sagði að ég mætti koma betur klæddur á nemendatónleika.

FÖT!

jólaskap

2006-11-29T11:04:00.000Z

Djöfull er dagurinn skammur þessa dagana

Og erfitt að koma sér fram úr rúminu í húminu.

Það er eins og að um leið og birti

syrti!

Ég lá í rúminu í morgun og minntist þá jólanna og allra kóka kólanna.. hugsaði um maltið og appelsínið..

Og hugsaði um kjötið og kökurnar og Akureyri og ættingja sem umkringja

Fór og stakk seríu í samband og fékk mér seríos og söng fyrir munni mér:

,,Já ég vildi að alla daga væru jól“

Mig langar samt ennþá pínu í pínu meiri sól.

Allavega fyrst snjórinn getur aldrei tollað lengur en viku!

Adeste Fideles... lalalalalala

opið bréf til Ásdísar

2006-11-20T23:30:00.000Z

Við þurfum að taka oftar til í ísskápnum. Það var einhver afgangssósa í skál inni í ísskáp áðan og þegar ég lyfti lokinu blasti við mér græn sveppahrúga en sósan var upprunalega ekki sveppasósa! hmmm.. svo þegar ég ætlaði að henda sósunni þá héngu allir sveppirnir saman eins og þeir væru að reyna að bjarga hver öðrum.. ógeð!

átak takk..

Ég er síðan ekki frá því að ég hafi heyrt eitthvað væl þegar sveppirnir lentu í ruslinu en það gæti hafa verið ímyndun..

netleysi

2006-10-16T14:16:00.000Z

já það er ekki mikið bloggað þegar netið er ekki til staðar. ókeypis netið sem við stálumst á virkar ekki lengur.. þannig að alltaf þegar ég er á leiðinni að blogga, verður víst lítið úr. Þetta er í fyrsta skipti sem ég kemst á net í hálfan mánuð.

En bið allavega að heilsa netheimum!

Einhver gæti dregið þá ályktun

2006-09-26T10:03:00.000Z

Að ég hati september.. en svo er ekki.

þjáist bara af athyglisbloggröskun þessa dagana.

Núna erum við með netið en ég veit ekki hvort það er netið “okkar” eða net nágrannans sem við erum á? Allavega getur maður skoðað tölvupóstinn og svona.. og bloggað jújú. Þó maður hafi ekkert að segja.

Heyrðu jú Þingvellir! Þingvellir eru ekkert smá fallegir á haustin í stilltu veðri. Við Ásdís fórum þangað síðustu helgi, það var æði.

Svo langar mig að lýsa frati á það að Beverly Hills 91237894 var fært yfir á daginn þegar ég er að kenna. Þetta var orðið ákveðið friðþægingaratriði að horfa á það, kom mér í gegnum næturvaktirnar í sumar og svona en nú hef ég ekki séð hvað vinir mínir Steve, Brenda, Brandon, Dylan, Donna, og David eru að bardúsa í allan september!

Blessun í dulargervi? kannski..

af næturvakt (lokavakt)

2006-09-01T00:45:00.000Z

Já ágúst er búinn að vera kurrreisí djammmánuður.. 16 tíma partí flesta daga.. en nú er þetta að enda og ég er að fara að vinna venjulega vinnu.

Þessar 16 tíma vaktir hafa verið frekar erfiðar en núna þegar skólinn er byrjaður og ég er að byrja að kenna og svona byrjar erfiðið fyrir alvöru. Þegar skólinn, píanókennslan, næturvaktirnar og Kópavogshæli skarast allt verða hlutirnir soldið súrir. Dagskráin 30. ágúst til 2. sept. er svona: (stundum þarf m.a.s. að vera á tveimur stöðum í einu) (31. ágúst var sérstaklega slæmur!)

mið 30. ágúst

10-14 innritunarstörf og kennarafundur
13-15 Sálfræði í kennaranáminu
18-22:30 kópavogshæli
22:30-23:35 partí hjá Hillu

fim 31. ágúst

0-8 næturvakt á elliheimili
10-12 kennarafundur
13-16 Sálfræði í kennaranáminu
15:30-23:30 kópavogshæli

fös 1. september

0-8 næturvakt
13-15 taka til í Skarphéðinsgötu og skila henni af sér
15:30-23:30 kópavogshæli
18-19:30 Kennarafundur

laug 2. september

8-16 kópavogshæli
20-22 kópavogshæli
..............
Ég ætla aldrei aftur að lenda í svona mörgu í einu.. það gengur ekki. Svo byrjar bara píanókennslan 4. sept og allt verður eðlilegt aftur! VEI!! VEI!!
Þetta er síðasta næturvaktin!!

box

2006-08-27T06:03:00.000Z

Áðan, um tvöleytið, horfði ég á fyrsta hnefaleikabardagann minn. Bubbi lýsti og öskraði og æmti eins og honum einum er lagið.

Ég veit ekki hvort ég er svona mikil kelling en mér verður óglatt af því að horfa á box. Eftir því sem þeir slösuðust meira varð mér meira flökurt. Ég vonaði alltaf að þeir myndu ekki hitta hvorn annan en Bubbi kættist við hvert högg (kættist sérlega mikið þegar annar gaurinn náði svo góðri höggsyrpu á hinn að andlitið tættist allt og það kom risa blæðandi glóðarauga). Þetta er víst ekki rétta leiðin til að horfa á box enda verður þetta síðasti bardagi sem ég horfi á.

Ég veit ekki hvort ég er svona mikill kall en ég nota orðið kelling yfir aumingja,,, já svona er lífið.

the invasion of the asian nation

2006-08-22T06:55:00.000Z

Ég á "frídag" næsta miðvikudag. Er reyndar á næturvakt um nóttina og í skóla frá 13-15... en að öðru leyti í fríi. Hafði hugsað mér að nýta "frídaginn" m.a. í að týna rifsber. Með íbúðinni fylgdu nokkrir sæmilegir rifsberjarunnar. Sá í gær eða fyrradag að nú væru berin að þroskast og því um að gera að vera á undan fuglunum og týna berin.

En alas!

Þegar ég fór í vinnuna kl. hálfátta í gærmorgun var verið að plokka berin af runnunum og þar var ekki fugl á ferð, heldur asísk kona á milli 15-45 ára (ómögulegt að vera nákvæmari). Hún hefur sjálfsagt verið búin að vera að frá því fyrir sjö því runninn var langt kominn og komið mikið magn í poka hennar. Þetta var giska vandræðalegt allt saman en ég yppti bara öxlum og settist upp á hjólið en hún tifaði vandræðaleg á brott.

Mér fannst ansi fyndin viðbrögð hjá einum samstarfsmanni mínum á Kópavogshæli sem sagði mér foxillur á svipinn að hringja í lögregluna. Væri það ekki soldið ýkt?!

En allavega fara berin ekki í potta mína eða gogg fuglanna heldur kom þriðji möguleikinn óvæntur til sögunnar og nældi sér í góssið.

... mér finnst rifsberjasaft góð...

zebra

2006-08-17T06:04:00.000Z

Fékk þá hugmynd þegar ég kom heim af næturvakt í gær að fá mér að sofa úti til tilbreytingar. Veðrið var æði, heiðskýrt og alles og löngunin því í minna lagi til að fara inn að sofa. Ég fór því út með litlu dýnuna okkar og lagðist á pallinn til svefns.

Hugmyndir geta verið góðar og hugmyndir geta verið frekar lélegar.

Þegar ég vaknaði fjórum tímum síðar var sólin búin að grilla á mér annan hluta andlitsins en hinn er ósaurgaður og fínn. Augnlokið á vinstra auganu er helaumt (aðallega þegar ég blikka) og öll vinstri hliðin er frekar sár.

Verst er þetta samt útlitslega!

2006-08-13T06:15:00.000Z

íbúðin seld... á 9.6

hafði vonast eftir 9,8 - 10!

líður soldið eins og ég hafi labbað á járnbita..,

en æi það er ágætt sosum

já ein íbúð er nóg

bæ skarpó

prófiði eitt!

2006-08-13T06:05:00.000Z

endilega prófið.. við tækifæri.

Vakið til sex um morguninn. Ekki á djammi eða neitt svoleiðis heldur sitjandi í stól - þannig að þið séuð svaka þreytt. Það er fyrsta skref.

tvö: Takið göngutúr um langan, dimman gang eins og þið séuð í hálfgerðri eftirlitsferð. Nauðsynlegt að vera mjög, mjög þreytt.

Þá skuluð þið labba með góðum hraða á járnbita sem stendur út úr veggnum. Ég skal lofa ykkur því að áhrifin eru mögnuð!

Þið finnið ekki fyrir sársauka eða svima. Áhrifin eru meira eins og algjört magnleysi og doði í dágóða stund. Í staðinn fyrir að öskra skuluð þið ímynda ykkur að hinum megin við veggina sé sofandi fólk þannig að þið þurfið að hafa algjört hljóð... það gefur skemmtilegt "aukatvist"Magnað! - Og svo kemur svona kúla á hausinn.. eins og bingókúla.

vart vakandi sökum vakta

2006-08-09T07:25:00.000Z

Það var helvíti gott frí á Akureyri um helgina. En helvíti stutt líka, komum á föstudagskvöldi og keyrðum suður á sunnudagskveldi. Á mánudagsmorgni kl. 8 byrjaði löng vinnutörn sem endaði kl. 8 morguninn eftir; tók semsagt þrjár 8 tíma vaktir í röð.

Svo fékk ég 8 tíma svefn og fór að vinna kl. 16 á þriðjudag og svo beint á næturvakt, þ.e. tvær 8 tíma vaktir í röð. Nú er sú törn að enda... klukkan er hvað? hmmm... 7:24
...40 tíma vinna á 48 klst. - nokkuð gott.

Er að fara heim að sofa - en á eftir kl. 16 kemur 8 tíma vakt en hún er bara stök, sef semsagt heima næstu nótt.. vei!!

Svo kemur heill dagur í frí!

jæja

2006-07-29T07:45:00.000Z

þetta er nú bara gaman - ef maður lítur á björtu hliðarnar það er að segja. Gaman að fá svona spari "challenge". Mér hefur reiknast það til að ég geti grætt 5000 kall á þessu öllu saman.. sálrænt séð. Með því að fara í peningafangelsi í ágúst.

Skoðanakönnun: Ef þér gangið út úr búð og sjáið þegar inn í bíl er komið að vara sem kostaði 2500 kr (borvél í júróprís) hefur ekki verið borguð. Farið þér þá inn í búð aftur eða þjótið þér í burtu og sleppið greiðslu?

tapið mikla

2006-07-26T05:57:00.000Z

ég er í alveg brjáluðu skapi núna í dag (og fram á nótt (hmmm hvað er klukkan? Að verða sex (sjitt))). Ástæðan fyrir brjálleikanum er einföld. Peningar.

Ímyndiði ykkur að tapa 30 þús kalli, ömó! hvað þá 40 eða 50 þús. En í dag tapaði ég 70 þúsund krónum. Eftir að ég rispaði sendibílinn sem við leigðum til að flytja inn í Hæðargarðinn sá ég fyrir mér að þar mundu fjúka 20-30 þúsund krónur, það hélt ég í einfeldni minni.

En í dag kom reikningurinn. Fyrir þessa rispu voru teknar rúmar 60 þúsund krónur í viðgerðarkostnað og svo voru teknar 7000 krónur í sorphirðugjald! jamm, losun á sorpi. Ég tók nú til í bílnum áður en ég skilaði honum þannig að ég veit ekki hvaða upphæð þetta er, kannski gleymdist kókflaska eða eitthvað í bílnum og það kostar þá sjö þúsund krónur (til að gæta sanngirni varðandi sorphirðuna tóku þeir "bara" 5662 í gjald en restin er vsk.) 5662 fyrir losun á sorpi, ég trúi þessu ekki.

Ég borgaði líka eitthvað á annað þúsund í aukakílómetragjald því samkvæmt þeim ókum við tæpa 130 km sem mér finnst vægast sagt hæpið á þessum eina degi. 5-6 ferðir frá bænum að Grensásvegi hljómar ekki eins og 100 km í mínum eyrum. En ég veit það sosum ekki

Soneretta

70 000 kall floginn eða 71322 to be spesific...

heildarkostnaður við að leigja þennan bíl varð því rúmur 80 þús kall sem er það sama og það kostar að leigja gám í nokkra sólarhringa og fylla hann af búslóð og senda hann norður og losa hann þar.
jamm þetterei djamm!

næturdundur

2006-07-21T06:54:00.000Z

Er búinn að finna mér nýtt til að dunda mér við á næturvöktum..

nú verða einhverjir hneykslaðir

..Ég reikna stærðfræði alla nóttina! Er að verða búinn að fara í gegnum STÆ 202 á nokkrum dögum, það er algjört nostalgíutripp að glíma við þessi dæmi. Eiginlega fyndið að ég smitaði Ásdísi af þessu í smástund og hún var farin að reikna algildisjöfnur í fyrradag af miklum móð.

Nú líður nóttin hratt.

ps.
Er þetta ekki örugglega grín þetta með hann Magna?! Ekki er hann að slá í gegn á heimsvísu.. það væri snilld

maður á kannski að slá... til

2006-07-16T05:51:00.000Z

Það er ýmislegt skrítið í sjónvarpinu á digital lyklinum á nóttunni.

wild sex?!
Þegar ég sá nafnið á þessum þætti bjóst ég við einhverju sem væri óráðlegt að hafa á fullu blasti í borðstofu gamla fólksins seint um nótt. Hér var hins vegar um að ræða þátt á National Geographic sem hét Wild sex er sýndi meðal annars lesbískar hýenur í léttum leik og spólgröð ljón á fullu. Ég dvaldi nú ekki lengi þarna. Hver horfir á svona?!

Á Fox News voru tveir "spekingar" að greina vandamálið fyrir botni miðjarðarhafs og komust að þeirri niðurstöðu að best væri ef Bush myndi gefa heiminum þá "gjöf" að ráðast inn í Íran áður en hann hyrfi úr Hvíta húsinu. Einnig gáfu þeir út þá yfirlýsingu að Frakkar væru þjóð aumingja og lúsera af því að Zidane skallaði Materazzi. Ég endurtek: The French are a nations of losers!! Hvað er málið með Frakkahatur Bandaríkjamanna?

Á E-sjónvarpsstöðinni var raunveruleikaþáttur þar sem venjulegri stelpu. Dökkhærðri, með gleraugu. Var breytt í Playboy-kanínu, ljóshært bimbó! Og í framhaldinu varð hún ægilega hamingjusöm enda draumur hverrar stúlku að vera eins og Playboy kanína.
Nei hættið nú alveg!!

-----
Lena frænka mín var að gifta sig fyrir stundu (klukkan fimm að nóttu veit ég ekki alveg hvort maður segir í gær, áðan, í dag - eða hvað?! - en jæja). Ég fann ekki neinn til að skipta á vöktum við mig og fór því ekki Akureyrarreisu í brúðkaupið. Sem sökkar. Ég hefði þurft að taka launalaust frí í nótt en mér varð hugsað áðan er ég horfði á fokking krappið í sjónvarpinu (örugglega á milli lesbísku hýenanna og karlanna sem sögðu að Ísraelsmenn ættu að auka við árásir sínar á Líbanon) að ég hefði kannski átt að taka mér þetta frí. Er það ekki lífið? að fara í gleðskap og mannamót þó það kosti mann einhvern pening?! maður á kannski að slá til? Allavega má sjá til!

Þegar það gengur svona illa að selja Skarpó eru málin reyndar flóknari. Áður fyrr voru peningar ekkert mál. Að búa í lítilli íbúð er draumi líkast peningalega séð, peningarnir hrúgast inn.

Íbúðin hefur varla verið skoðuð síðan við settum hana á sölu. Við keyptum nýja íbúð í toppi verðsprengjunnar en ég setti síðan Skarpó á sölu og þá hrundi markaðurinn! En ég mæli með svona lítilli íbúð - því lítil íbúð = engar peningaáhyggjur!! spread the word...
Markaðurinn hlýtur nú að fara að fara að fara af stað aftur...

Æ djöfuls blabla er þetta orðið..
ég ætla að hætta að slá... á lyklaborðið

what!?

2006-07-07T03:04:00.000Z

Sé að síðasta bloggfærsla mín er frá 22. júní. Mér finnst svo stutt síðan síðan var uppfærð.

Tíminn líður pínu undarlega þegar maður vinnur á nóttunni. Erfitt að vita hvort hlutir gerðust í gær eða fyrradag. Annars gengur sæmilega að koma sér fyrir í íbúðinni. Bara eftir að koma svefnherbergi í lokaútfærslu. Allir velkomnir í heimsókn!

Var að ráða mig í 30% vinnu á Kópavogshæli og tek eina til tvær tarnir í mánuði þar. Er að fara að vinna þar á morgunvöktum næstu fjóra morgna. Byrja núna á eftir, klukkan er þrjú á nóttu og ég er á næturvakt. Sem þýðir að ég er að vinna frá 00 til 16. Fer síðan aftur á næturvakt og vinn til 16 daginn eftir. Þannig að þetta verður megatörn. En svo fæ ég nokkra daga í frí.

af næturvakt III

2006-06-22T04:37:00.000Z

djöfull er ég þreyttur
tikkið í klukkunni er að æra mig
ætti ég að færa mig
inn í stofu
nei úff ég sá vofu
úti er bjart
en inni er svart
augun fýld
því enga hvíld
þau lengi lengi
hafa fengið
ég þrái svefn í mjúku rúmi
með mjúkri konu í dökku húmi
en það líða nokkrar stundir
áður en fundir
mín og rúmsins kæra og kærustunnar eiga sér stað
en klukkan tikkar og bráðum já bráðum
bráðum er nóttin búin og þá byrjar nóttin mín

þetta er fínt djobb.. en þegar maður er búinn með bókina um Jeltsín og nennir ekki niður að sækja aðra þá er leiðinn ekki lengi á leiðinni. En! sjálfskaparvíti - - annars fínt djobb.. úbbs ég var búinn að segja það.. jæja - en...

Gat valið um tvennt í sjónvarpinu áðan um tvöleytið. Beverly Hills 9102938910 eða HM. Enn og einu sinni varð karlmennskan undir og kvenleikinn er að rústa þessu með 10 stigum gegn tveimur. Það er eitthvað við þessa Beverly Hills þætti sem virkar eins og tímavél fyrir mig. Ég fæ nostalgíukast. Þessir gömlu góðu dagar þegar gemsinn var ekki til og fötin, vá fötin

af næturvakt II

2006-06-18T03:37:00.000Z

Nú er ég ógurlega þreyttur, og er í einhverji annarlegri kaffi/þreytu-hálffjögur að morgni vímu. Ég er þreyttur, Ég er þreyttur.

Væri minna þreyttur ef ég væri ekki svona þreyttur. Ég verð stundum svo þreyttur á ýmsu. þreyttur á þessu tuði öllu.. í þjóðfélaginu

stanslaust tuð..

Ég á hvergi heima, ég fæ jafnlág laun og kona þar sem ég sækist alltaf í þessi láglaunadjobb en er samt hluti af kúgurunum þó ég finni mig ekki heima þar. Ég var eini karlinn sem útskrifaðist í mínum árgangi af hljóðfærabraut í lhi, við vorum teljandi á fingrum annarrar handar karlarnir í kennaranáminu í vetur og nú vinn ég á vinnustað þar sem ég er eini karlinn!

Ég er þreyttur..

Mér finnst ekkert skrítið þó mér finnist ég ekki tilheyra neinum hópi þar sem ég er konulegur karl og kristinn heiðingi með fordóma gagnvart múslimum (en finnst listmenning þeirra þó afar heillandi). Ef maður tilheyrir hvorki kven- né karlkyni er alveg ljóst að það eru ekki margir möguleikar eftir!?!
Ég vildi óska að það væri harmónía þar í millum.

Ég svitna á enninu út af þessari koffeinvímu, ég svaf bara fjóra tíma í morgun, frá níu að morgni til hálf eitt. Vaknaði þá við einhverja helvítis graðhestatónlist frá nágrönnunum.

Ég hlæ oft að Beverly Hills núna síðustu daga!
En jæja ég ætla að vona að ég verði ekki svona þreyttur á morgun eftir góðan morgunsvefn.. hvorki þreyttur á sjálfum mér né þjóðfélaginu. Best að halda áfram með ævisögu Boris Jeltsin

Djöfull á ég eftir að verða leiðinlegur gamall karl held ég.. gamall tuðkarl en ég keppi að því að svo verði ekki.. keppi að því!

Guð gefi mér visku til að umgangast og skilja konur betur
Guð gefi mér þrótt til að fást við þjóðfélagið og skilja það
Bush gefi mér orðin "we´ll find a peaceful way out"
megi verðbólgan hjaðna og íbúðin seljast
amen

ströggl

2006-06-13T03:33:00.000Z

Kvenleiki vs Karlmennska . . . . . . . . 5 - 1

þetta er burst

af næturvakt

2006-06-13T03:25:00.000Z

Enn blogga ég á næturvaktinni, enda eina netið sem ég hef aðgang að. Það er hálf draugalegt hérna núna, geðveikt hvasst úti og einhverjir skellir í loftræstingunni. Ég er farinn að vinna aftur eftir æðislegt helgarfrí þar sem ég og Ásdís dunduðum okkur við að setja niður kartöflur m.a. Nú þurfum við bara að redda húsgögnum til að fylla upp í allt flæmið sem íbúðin okkar óneitanlega er.

Það virðist enginn hafa áhuga á að kaupa Skarpó sem setur yndið við að flytja í nýja íbúð í svolítið annarlegt samhengi... en well...

og b.t.w. ég ritskoða mig ekki! ** eru bara skopádeila
...ríða, kúkur, skora...

sko!

þögnin rofin!

2006-06-09T03:25:00.000Z

Já, ég er að stelast til að blogga á næturvakt.. sé ekki að það geri nokkrum neitt.

Karlmennska vs kvenleiki 0 - 3

Ég er ekki búinn að sjá neinn leik í HM en búinn að sjá 3 Beverly Hills 91092093 þætti á Skjá1. Erfitt að viðurkenna en þó engu að síður sannleikur. Að sjá þessa B H þætti vekur upp skemmtilegar nostalgíutilfinningar og gaman líka að sjá Melrose Place, þátt sem ég hataði á sínum tíma og gaman að rifja upp hatrið sem bjó í brjósti 14 ára drengs um miðjan 10. áratuginn.

Að lokum ein spurning: Er boðlegt að eiga salt og piparstauk, þar sem staukarnir eru svín að r**a?

skólinn búinn

2006-05-14T23:08:00.000Z

Ég sat og horfði á sjónvarpið áðan, einn, því Ásdís er upp í sveit. Ég var með ákveðið samviskubit yfir að hanga í leti og vera ekki að læra eða neitt. Svo fattaði ég allt í einu að skólinn er búinn.

vúhú!

Hvað er þá hægt að gera? ég fór að taka til því nú fer íbúðin í sölu á morgun og eins gott að hún verði hrein. Svo sópaði ég undan sófanum og kom þá ekki sprengiplast í ljós... þá var næstu 10 mínútum reddað.

vúhú!

Síðan datt ég inn í þátt á Skjáeinum, Wanted, bara nokkuð gott rusl...
En nú er ég að blogga og þarf ekki að hafa samviskubit yfir því að vera ekki að gera neitt.

vúhú!

Ég verð að vinna á næturvöktum í sumar á þjónustuíbúðum fyrir aldraða. Það verður spennó.

Ef að íbúðin selst á 10 millur þá er allt eins og best verður á kosið!

skólinn tekur allan minn tíma

2006-05-08T23:32:00.000Z

því er ekkert bloggað þessa dagana. Svo munum við fara til Finnlands 19. maí. þannig að maí verður svona blogglausi mánuðurinn. Það er ógeðslega mikið að gera núna öhh.. íbúðadæmið er komið á fullt skrið og atvinnuleit o.s.frv.

Ætla að enda á heilræði: Skrúfið ævinlega tappa á flöskur sem á stendur: "hristist fyrir notkun" (skrifað með klístrugum puttum).

Sagan af 15 þúsundkallinum

2006-04-28T22:54:00.000Z

Ákvað að prófa hlutabréfamarkaðinn núna fyrir einni viku. Las og las og ákvað á endanum að versla fyrir 170000 kall í Landsbankanum. Þá var gengið 21,9. Ég fylgdist síðan spenntur með dag frá degi hvernig gengið hækkaði... 22 - 22,2 - 22,5 svo var það komið í 23,8 í smástund í gær. 15 þúsund krónu hagnaður á einni viku var staðreynd. 15 þúsund krónur fæddar.

En þegar markaðurinn lokaði í gær hafði gengið hrunið niður fyrir 23. Og núna undir kvöld var það næstum komið hringinn; var 22,00.

:(

Það munaði svo litlu að ég hefði selt í 23,8 en ákvað að bíða eftir 24..

fimmtán þúsund fæddar
fimmtán þúsund græddar
fimmtán þúsund farnar
fimmtán þúsund blæddar

og svo til að kóróna allt þá þurfum við víst að borga 9000 kalli meira í Finnlandsferðina heldur en áður var skráð.

ps: er psd en hvað með Darfur

pps: Má til með að þakka tveimur manneskjum ef þær lesa þetta: Hjördís og Laufey - takktakk!

ppps. Bráðum kemur Grillið á Hótel sögu - eða réttara sagt við förum til þess...

Það kemst ekki meira fyrir

2006-04-25T18:37:00.000Z

Ég fékk til vörslu gebba flottan bikar fyrir ,,afrek" mín í háskólakórnum á liðnum vetri. Núna langar mig í nýja íbúð til að koma bikarnum fyrir. Þetta gengur ekki lengur með þetta drasl okkar Ásdísar. Nú skal ný íbúð keypt í sumar. Við erum búin að leita á fullu og ætlum að reyna að fá eitthvað í þessum dúr.

Hólmgarður

Boðagrandi

Laugarnesvegur - uppáhaldið hennar Ásdísar

Tómasarhagi

Stórholt

Unufell - the ghetto!!

fokking paradís

2006-04-20T13:27:00.000Z

páskafríið var algjör snilld og ég er gjörsamlega endurnærður eftir það.

Flesta daga fórum við í fjárhúsin að gefa tæplega 400 kindum, eftir góðan morgunverð. Það var bara hressandi. Síðan fór maður í funheitt bað og eftir það endalaust dúllerí...

... Til dæmis blanda Ávaxtadrykki.. hér sjáum við gulrótarmangóperuvatnsmelónuhunangsmelónuananasdrykk

Svo fékk besta páskamat sem ég hef fengið að öllum öðrum ólöstuðum. Enda var á ferðinni þaulvanur kokkur með yndislegt hráefni, mágur Ásdísar. Í forrétt var humar (stór humar) með laxabita, mjög góðri humarsósu og svepparisotto.. alveg frábært á bragðið og mig langaði satt best að segja ekkert mikið í aðalréttinn eftir þennan magnaða risaforrétt, var orðinn hálfsaddur. En forrétturinn reyndist þá vera algjört frat miðað við gæsina í aðalrétt. Gæs, sellerírótarmús, yndisleg berjasósa, kartöflur, alveg ótrúlega mjúk heimaveidd gæs og þetta hefði sómað sér á hvaða veitingahúsi sem er.. alveg magnað.. Maður var í ánægjutrans sólahring eftir á.

En þá er fríinu lokið og nú þarf bara að fara að versla sér nýja íbúð.. enda vorum við ein í einbýlishúsi allt páskafríið.. í STÓRU rúmi!!

Já Emma vann

2006-04-09T12:49:00.000Z

Þetta var stórkostleg viðureign...

Ég var að labba í gær, í sól og sumaryl (reyndar í sól og vibbaköldum vindi, en það er aukaatriði) og sá að það voru lítil páskablóm að kíkja upp úr moldinni, Krókusar eða eitthvað.. ég allavega hugsaði þetta sem krókusa.
Síðustu dagar bara eðall..!!
Svo vann ég afreksbikar háskólakórsins í gærkvöldi.. - það var ekki leiðinlegt..
Vorið er að koma..

ÉG er hættur að drekka

2006-04-03T12:22:00.000Z

einum of halló?

2006-03-26T22:26:00.000Z

Þaut upp í bíl í gær og þurfti að komast 5 mínútna leið á tveimur mínútum. Ég setti upp sólgleraugun og kveikti á útvarpinu til að koma mér í gírinn. Leiðinlega röddin á rás 2 var ekki að gera sig fyrir mig og skipti ég því snarlega um rás. Fyrir varð Barnarásin og á henni hljómaði: Áfram áfram áfram bílstjórinn! Talandi um viðeigandi. Ég hækkaði vel í og þaut af stað en lækkaði skömmu síðar í græjunum og hugsaði - einum of halló?

ja hækkaði síðan fljótlega aftur í og þaut minn veg...

Hlemmur

2006-03-22T13:57:00.000Z

Jæja ég fór í strætó í fyrsta skipti í langan tíma í morgun. Þurfti að bíða á Hlemmi í 10 mínútur og naut þess á meðan að tékka á mannlífinu.

KB banki, sem er nýbúinn að taka lán upp á ca. 50 milljarða kallaðist skemmtilega á við kallana sem voru að spá í málunum inni á biðstöðinni.

Ég færði mig nær mjóróma gaurnum sem var að lýsa fyrir gamla kallinum í þrönga snjógallanum hvernig nýja strætókerfið legðist í sig. Hann lýsti í smáatriðum hvernig væri best að komast hingað og þangað í borginni og var greinilega mikill strætóspekúlant. En tengingin við KB banka varð skemmtilega író-nísk þegar hann fór að tala fjálglega um það þegar hann komst í álnir fyrir utan Kolaportið. Ruslapoki eftir ruslapoki af heilu drasli var borið út og hann sagði spenntur frá hvernig hann veiddi það heila upp úr og safnaði því saman til að selja næstu helgi,.,. í Kolaportinu.

Svo fór ég í skólann og lærði það að Ikea leiðbeiningarbæklingur um hvernig á að setja saman fataskáp er uppfullur af misrétti; gegn konum, samkynhneigðum, svörtum og asískum.

Heil Helgi!

ostur

2006-03-20T21:25:00.000Z

Við fórum í dýrðlegt matarboð í gærkvöldi hjá Nonna bróður og Tótu.

Þar fengum við læri sem var fyllt alls kyns ostum og mjúkum sveppum mmmmmmmmmm...

Mér varð hugsað þegar við keyrðum í Grafarholtið hvað þetta væri mikið út í sveit og hvað þetta væri óaðlaðandi að búa lengst út í rassgati. Er okkur varð keyrt upp að íbúð hans breyttist sú ímynd mín á svipstundu þegar ég sá þetta líka svakalega útsýni sem tók á móti oss..

núna langar mig bara pínu í íbúð í Grafarholtinu. Gvendargeisla eða Kenjakitli eða einhverju álíka góðu nafni..

já það er allt til

2006-03-17T03:30:00.000Z

Ef einhver hefði sagt mér fyrir 12 árum að ég ætti eftir að horfa á myndband með þessum gaur kl. hálf fjögur á fimmtudagsnóttu hefði ég brosað út í annað..

en best að drulla sér í draumalandið

brought to you by DH!

búmm búmm tsjak búmm búmm búmm tsjak

2006-03-10T20:08:00.000Z

búmm búmm tsjak búmm búmm búmm tsjak

Í bílskúrnum sem er upp við stofugluggann er hljómsveitaræfing 2-3 x í viku...

arg

i hate ya all!

2006-03-10T00:45:00.000Z

aha

Hilla hafðu þetta!!

Ásdís þetta er álit mitt á þér!!

Varði fookjú!

Anna einu sinni kunni ég vel við þig.. en núna?!!!

Telma - hvað annað.. múhahaha

Ýrr - ég þoli þetta ekki lengur

Hafdís

svo ég tali nú ekki um Hafdísi

Erna þetta er fyrir hálminn

Harpa eigðu þetta

Lena þú ert allt í einu orðin fullorðin... arrrrrg!

...

2006-03-08T09:43:00.000Z

...af þeim völdum get ég ekki annað en velt því fyrir mér. Er Silvía Nótt fyndin?

Maður á sosum aldrei að greina húmor - bara njóta!

En metið hjá mér í Sudoku er komið niður í 3 mínútur sléttar.. hvað sem öðru líður.

AFI (1919-2006)

2006-03-05T14:58:00.000Z

Afi var jarðaður í gær. Ég hef alltaf kunnað illa við dauðann og átt erfitt með að umbera hann. Núna þegar maður missir í fyrsta skipti einhvern nákominn hefur það ekkert breyst nema síður sé. Afi var reyndar heilsuveill undir það síðasta þannig að á vissan hátt var þetta léttir. En mig langar að fara aftur um nokkur ár þegar hann var hraustari og hitta hann þá og spjalla.. get það reyndar í huganum en það er ekki það sama.

nýjasta æðið er..

2006-03-02T01:04:00.000Z

..Ávaxtadrykkir!

Blandarinn er búinn að vera í stöðugri notkun síðustu dagana og nýtur Ásdís góðs af þessu æði. Stöðugt nýjar tegundir af drykkjum en verst hvað svona ávextir eins og ananas og jarðarber eru dýrir. En ég læt það ekki aftra mér og er búinn að prófa alls kyns blöndur. Þær bestu hafa mér fundist:

Kynbomban:
1/4 vatnsmelóna
1 appelsína
1 lítil askja jarðarber
10 klakar

(Brá afgangnum af þessum drykk inn í frysti og við átum hann síðan sem krap og það er sko ekki krapp!!)

Hálfvitinn
1/2 ananas
1/2 banani
5 jarðarber
1/2 sítróna
1/4 l vatn

The piss
2 appelsínur
1/4 hunangsmelóna
10 klakar og smá vatn

Af þessum var eiginlega The piss bestur, gylltur og svalandi!

gluggaveður

2006-02-27T13:13:00.000Z

ohhh það er svo fallegt veður. Sólin skín og svona. En varúð! Ég fór út á brókinni áðan með melónuappelsínubananaananasdrykkinn minn til að njóta veðurblíðunnar.. og það er ískalt. Ég sit því bara hérna í sófanum og horfi út um gluggann með drykkinn í hendinni.

fyrir&eftir

2006-02-19T22:58:00.000Z

það er búið að væla um fyrir klippingu/eftir klippingu myndir svo hérna koma þær...

fyrir

eftir

nei bíddu.. einhver mistök í gangi..
hér kemur rétta myndin:

eftir

klukkan er fjögur

2006-02-13T23:00:00.000Z

Maður verður að láta sig hafa það er maður hefir verið klukkaður..

Fjögur störf sem ég hef gegnt:

Kúasmali
Liðveitandi
Píanókennari
byggingavinna

Fjórar kvikmyndir sem ég get horft á aftur og aftur:

Silent movie
Star wars
Wonderful life
Groundhog day... og margar fleiri

Fjórir staðir sem ég hef búið á:

Lund í Svíþjóð
Kringlumýri 4 - Akureyri
Grafarvogur
Skarphéðinsgata 12

Fjórir sjónvarpsþættir:

SEINFELD
Malcolm in the middle
Family Guy
Simpson

...ég er white trash! úff

Fjórar vefsíður sem ég heimsæki daglega:

Ástdís
Sudoku - metið í easy er komið í 3:28 hjá mér
engin önnur daglega.. því miður..

Fjórir af uppáhaldsréttum:

Djúsí nautasteik
Grafið lamb með gráðaosti
Góð villibráð, t.d. Krónhjartarmedalíur
Gott lasagna

Fjórir staðir sem væru betur þegnir:

Svíþjóð
Köben
Rúmið
uuuu.. Sahara bara

what!!

2006-02-09T12:36:00.000Z

ég hélt alltaf að ég væri 175,8 cm en er víst 177! Hef greinilega stækkað um rúman cm síðan í 10. bekk!

Algjör perla

2006-02-07T11:28:00.000Z

Þar sem við erum búin að vera nánast daglegir gestir á Hótel Holti síðustu misseri ákváðum við að heiðra Perluna með nærveru okkar síðasta sunnudag. Skelltum okkur á þriggja rétta tilboð á aðeins 5000 kall og rauðvínsflösku á þrjú og sex. Síðan fengum við tvo agnarsmáa aukarétti þannig að þetta varð einskonar 5 rétta máltíð.

Fyrst fengum við í smakk smá krabbasalat með kavíar sem okkur fannst báðum afar gott. Hefðum viljað meira af því en þetta var fínn "teaser". Þá kom Parmaskinka með polentuköku ofan á sem var aðeins síðri, skinkan svolítið þurr eins og svona skinkur eru svo viðkvæmar fyrir en mjög góð þó engu að síður. Polentukakan ofan á var óvenjuleg en góð og síðan var hefðbundið að hafa rucola og rifinn parmaost með.

Næst kom annar "teaser"; Engifer- og sítrus krap. Ég fékk tvö glös af því af því að fyrra glasið sprakk á disknum (heitt vs. kalt ekki að rokka þar). Annars var þetta fínn milliréttur.
Svo kom aðalrétturinn; Nautakjöt með bearnise sósu og ýmsu fínu meðlæti. Svona eins og maður bjóst við var þetta eðalsnilld.

Eftirrétturinn setti síðan góðan punkt yfir i-ið með pistasíufrauði og súkkulaðiís.

Hefðbundinn matur en snilldarumhverfi - og þó.. lofthræðslan plagaði mann stundum þegar maður fór á klósettið, sérstaklega þegar koníakið var komið ofan í maga, og síðan hringsnerist allt sem hljómar kúl en er pínu ruglandi í raun.

en jújú algjör snilld þetta kvöld.

Perlan

2006-02-07T11:27:00.000Z

ég er algjör fyrirmynd enda hálfgerð eftirmynd

Fríða og dýrið

2006-02-01T22:50:00.000Z

haha

Fór á Rauðhettu og úlfinn í dag (hárgreiðslustofuna). Var sendur þangað af Ásdísi og mér fannst eins og ég væri komin á Fríðu og dýrið frekar (ég verandi dýrið). Mér leið ótrúlega aulalega þegar Fm hnakkagellan fór höndum um hárið og "kommentaði" í sífellu á hversu nauðsynleg þessi klipping væri; "Náááákvæmlega!" eins og hún sagði svo oft... Má maður ekki vera nörd í friði.

4500 kall!

Ég sprakk úr hlátri þegar ég kom út, gat ekki að því gert. Ég speglaði mig í búðargluggunum með nýju hátísku-klippinguna mína og leið eins og sjokkowannabe dauðans.. en þetta venst nú aðeins. Mér líður meira eins og fallegum hundi núna með kvöldinu.

Kúkabrúnt þema í dag..

2006-01-31T00:01:00.000Z

Það er ekki oft sem maður missir pissilöngun sína vegna áfalls. Það gerðist fyrir mig í dag. Ég var með Ásdísi á útsölu í Kringlunni (einu sinni sem oftar) og ákvað að drífa mig og létta á mér á meðan hún var að máta. Ég var í algjörum spreng og fór inn á einn básinn glaður í bragði og lyfti setunni upp. Blasti þá við mér sú lítt fegursta sjón sem ég hef séð, öll skálin út ötuð í br*#%ni skán. Ég hætti við að pissa..

Svo var ég að lita hárið á Ásdísi núna rétt áðan. Fyrsta skipti sem ég lita hár. Þvílíka lyktin sem var af þessu nett brúna kremi sem ég makaði um hár hennar..

..talandi um "flashback"!!

það er aldrei of seint að gefast upp!

2006-01-26T22:40:00.000Z

Þetta ku Blíðfinnur hinn eini sanni hafa sagt.

Ég er pínu svekktur með sjálfan mig, ég hélt ég mundi treysta mér í þetta en 19 píanónemendur og 15 eininganám var að taka aðeins of mikinn toll. Maður þarf að taka mark á því ef maður er með þyngsli fyrir brjósti, andnauð og svefnleysi, og gera eitthvað í málunum.

þannig að nú er ég bara í 10 einingum og klára rest næsta vetur... já svona er nú það..

að morgni

2006-01-23T08:05:00.000Z

þreytan segir til sín þegar maður loksins sofnar en...
þegar maður vaknar, þá fyrst flækist málið

sængin er eins og djöfull á öxlinni sem hvíslar: "liggðu áfram"

skólinn er þá eins og engillinn sem drífur mann á lappirnar... eða er þetta kannski öfugt?! er skólinn Djöfullinn? það er grábölvað að vita það ekki..
.. mig langar allavega upp í rúm og sænga hjá andskotanum ef út í það er farið

Ásdís engill minn hlýtur nú að neutralisera þetta allt saman hvort sem er

bæ

andvaka

2006-01-23T03:00:00.000Z

annars er ég að pæla í að hætta í svona 5 einingum og taka þær bara á næsta ári ef mögulegt er.. já það er ýmislegt sem maður pælir svona rétt fyrir svefninn..

best að fara í eina sudoku og reyna svo að sofna..
metið er komið í 3:42

lagið um ofanálag

2006-01-23T02:56:00.000Z

einu sinni var ég kærustulaus og þá var fílingurinn svona:

kærustulaus ég kúri
kærulaus og stúrinn
klæðlaus og kaldur

laus og liðugur
með lausa skrúfu
og laus við lán
---

langir leggir dömu
löngum hafa heillað
langa lífsleið

langar eru legur
langar nætur
langanir lifa
---

í lófa væri lagið
að lofa Guð mér einum
dömulófa í lófann

lífsleiðin er löng
lífsleiðinn óbærilegur
en að leiða eyðir leiða
---

þyrpast að mér þankar,
þyrpast að mér óveðursský
og þyrma þau mér ei

en þorpsbúar víst þrauka
þorpi hverju í
þrekraun sem þessa
---

klukkan tæplega tvö
tæpt er geðið
tæmist trúlega brátt

time after time
tæmist hugur
já tíminn tæmir fús
---

auðvelt er ekki
auðar göturnar
auðnulaus að æða

já auður skiptir engu
auðsjáanlega
ef autt er hjarta af ást
---

hver er sinnar gæfusmiður?
sinnir Guð mönnum?
sinni mitt spyr!

einn að sinni, aumur
og einfaldlega sinnisveikur
einu sinni enn!

amen

ES. nú er ég kærustufastur og verð það vonandi áfram

þegar þjónar þjóna ekki tilgangi sínum...

2006-01-23T00:25:00.000Z

... er illt í efni

fórum á Madonna núna áðan ég og Ásdís. Veitingastaður sem er í minna en tveggja mínútna göngufjarlægð frá okkur. Fengum þessar líku ágætu pizzur. Ég var með egg, beikon, skinku, ætiþistla og ananas á minni, mjög skemmtileg pizza. Umhverfið var kósí og almennt skemmtilegur staður en...

þjónninn var djók!

Þegar við komum inn á staðinn bað Ásdís um reyklaust; já það er enginn að reykja núna sagði hann og vísaði okkur glaðhlakkalega til borðs?!! svo byrjaði fólk að reykja rétt áður en við fórum
...konan á næsta borði bað um extra stökkt ostalag á lasagnað sitt og þjónninn svaraði mjög pirraður að lasagnað kæmi alltaf eins og hann átti marga spretti blessaður þjónninn þannig að þegar við fórum út vorum við hálf hissa á þessu öllu saman.. en maturinn var engu að síður góður.

Að lokum vil ég mæla með myndinni the gods must be crazy.. eðalmynd!!!

takk

2006-01-17T00:15:00.000Z

var að hjálpa Nennu og Manna að flytja um helgina.. á meðan gistu Hanna og Manni í íbúðinni okkar.. það gerist alltaf eitthvað skemmtilegt þegar Hanna og Manni gista hjá okkur.. núna sneru þau rúminu okkar sem er heljarbras og skildu auk þess eftir rauðvínsflösku af uppáhaldsrauðvíninu mínu - Boomerang Bay!!!
takk
annars hefur aldrei verið jafn mikið að gera hjá mér og nú - sem er svo sem allt í lagi nema ég hef bara engan tíma til að elda.. en kærastan hleypur svo sem ágætlega í skarðið.. það er bara svo gaman að elda

en jæja best að þjóta í næsta verkefni!

?

2006-01-10T13:14:00.000Z

er ekki fullvægt til orða tekið að segja að maður hafi sofið yfir sig ef maður átti að fara á fætur upp úr átta en rumskar ekki fyrr en hálf-eitt?

..bara svona pæling

semsagt

2006-01-10T00:15:00.000Z

ruddaleg lauksúpa

nautasteikin

hrísgrjónamöndlubúðingur

Þetta var afmæliskvöldverðurinn...

af afmælinu:

2006-01-09T03:14:00.000Z

já ég átti víst afmæli í dag. Fór í gær og keypti mér allt sem hugann girntist í Hagkaup í Kringlunni. Bláber, nautakjöt, hjartarkjöt, bufflauk, rauðlauk, gulan lauk, hvítan lauk og hvítlauk.. o.m.fl.

Ásdís er á Sólheimum (að vinna sko) og því spurning hverjum maður byði í að bjóða og svona.. Ákvað að bjóða engum og dútla frekar bara við matseldina í rólegheitum út af fyrir mig. Bauð reyndar tveimur ungum dömum í vöfflukaffi rétt til að sýnast.

réðst síðan í að gera:

lauksúpu
Nautasteik með hunangssteiktum kartöflum og gulrótum
ris a la mande

það var sweet :)

Svo fékk ég "Katan" spilið í afmælisgjöf frá Ásdísi, gjöfin var búin að liggja á stofugólfinu í 2 daga, síðan Ásdís fór sólheima... loksins fékk ég að opna hana í morgun.

sudoku..

2006-01-07T04:25:00.000Z

..er nýjasta æðið

ég er orðinn hálfringlaður.. Klukkan er hálf fimm og ég er búinn að vera í sudoku á netinu í alla nótt (með hléum). Ásdís er að vinna á Sólheimum og því ekkert aðhald með að fara í háttinn.

var að bæta tímann minn í easy: 5:42!
þetta er það sem ég er búinn að vera að gera í jólafríinu en nú fer alvaran að byrja og best að fara að snúa sólarhringnum aftur við.

best að drulla sér í rúmið!

góða nótt bastarðar

(veitingastaðir) 1 dagur - 2 kaffihús

2005-12-30T00:53:00.000Z

í dag fór ég á Bláu könnuna í kaffi með Ásdísi. Best að byrja á því að biðja kvenþjóðina afsökunar, ég ætlaði ekki að gera þetta! Fór óvart á kvennaklósettið og skildi ekkert í hve andrúmsloftið var afslappað. Allt snyrtilegt og fallegt og mér fannst eitthvað grunsamlegt. Vippaði honum samt út við opnar klósettdyr og ætlaði að fara að míga þegar ég heyrði blíðan kvenmannshósta í næsta stalli og var þá snöggur að vippa honum inn og fara yfir á karlaklósettið.

Fórum síðan á kaffi Karólínu í kvöldmat.

Kaffi Karólína ***1/2

fengi kannski 3 eða 3 og hálfa stjörnu af 5 mögulegum.
Við vorum níu sem fórum og pöntuðum okkur alls kyns rétti. Matseðillinn var einfaldur en freistandi. Ég fékk mér léttreyktan svartfugl í forrétt sem var mjög góður, með epla og kókossalati sem smellpassaði með. Í aðalrétt fékk ég mér nautalund sem var einnig mjög góð og sérlega gott meðlæti fylgdi með, t.d. karamelluhvítkál og blómkálsfroða!!
Eftirrétturinn var svolítið sviplaus viský-súkkulaðikaka með ágætum kaffiís. Ágætir réttir hjá mér en inn á milli komu réttir sem voru varla boðlegir á svona stað, t.d. kræklingsréttur sem nokkrir pöntuðu sér í forrétt, ótrúlega óspennandi réttur (eingöngu kræklingur) og auk þess ekkert svo góður.
Þjónninn var líka í slappari kantinum með setningar eins og:

Einhver: hvernig ostakaka er í eftirrétt
þjónn: æi bara venjuleg ostakaka

Ekki mikil liðlegheit!

matarlega séð fær staðurinn svona þrjár og hálfa en í heildina ætti hann í raun ekki skilið meira en svona 2 og hálfa til þrjár...

arg og æ

2005-12-27T22:22:00.000Z

mér er of illt í bakinu til að blogga! En nú er ég að blogga þannig að fyrsta setningin er þá ekki alveg sönn.. mér er samt illt í bakinu. ógeðslega illt.

Það er gaman að búa til brjóstsykur. Ég og Siggi erum búnir að búa til tutti frutti mola og jarðaberjapiparmyntumola. Þeir voru ætir og mjög flottir.

ái mér er illt í bakinu, of illt til að blogga. Ásdís kemur á morgun og ég ætla að spyrja hana hvort hún vilji ganga á bakinu á mér!

smyrja brauðið meðan það er enn heitt

2005-12-27T04:48:00.000Z

þeir sem hafa áhuga á ristaðbrauðsáti

ég veit ekki með ykkur en ég er búinn að vera að svissa svolítið um stíl síðustu misseri. Í staðinn fyrir að smyrja báðar brauðsneiðarnar fyrst og setja síðan sultu/gúrku og ost á - þá smyr ég núna fyrst aðra og og set álegg á og smyr síðan hina og set áleggið á hana.. sparar mikið stress. Á þennan hátt næ ég fram tveimur mismunandi en mjög góðum sneiðum í staðinn fyrir að reyna að ná þeim alveg eins.

ég var í sturtu áðan.. ég er geðveikt hreinn.. ég anga af hreinlæti.. nei ekki þannig sturtu dónapésarnir ykkar!

smakkaði viský í gær hjá mumma bróður sem bragðaðist eins og hangikjöt! Nú segir einhver: "galgopinn þinn" en þetta er satt!
viskýið bragðaðist eins og bloody hangikjöt. Blóðugt hangikjöt hljómar illa og viský sem bragðast eins og hangikjöt hljómar líka illa og satt best að segja var ég ekki upprifinn.. hélt að mér þætti allt áfengi gott.. annars finnst mér nú koníak alltaf betra en viský (kerlingin ég) :(

nú er klukkan að verða 5 að nóttu og ég er búinn að vera klst í fokking sudoku og ég virðist vera að játa mig sigraðan. Bugaður á sál og líkama segi ég góða nótt og vona að þið fyrirgefið allar mínar misgjörðir svo sem ég og fyrirgef yðar (kannski)

Á maður kannski að telja hvað maður fékk sniðugt í jólagjöf??
æi nenni því ekki núna

2 mínútur í 5!! pæliði í því! þetta er sick

Gleðileg jól - 12 tussur

2005-12-24T12:05:00.000Z

jæja bastarðar, hlekkir á síðu, Ásdís, vinir, vandamenn, fjandmenn, landsmenn og heimur allur.

Gleðileg jól!
God jul allihopa!
Glædelig jul!
very merry christmas!
Konta boorastini!

megi gleði, friður og pakkar ylja hjörtum ykkar allra!

12 tusser - fæst í Tiger á 200 kall - - - vona að einhver gefi mér 12 tussur!

---
og Hafdís flautari!! spes kveðjur til þín!

hertu upp hugann núna
Hafdís þú ert best
skemmtilega skemmtileg
já skemmtilegri en flest

hvað þó einhver illfygli
angri og skapi tár
þú ert svaka snillingur
já svakalega klár

framtíðin er flauterí
á frægðarinnar veg
þú ert svo gríðar gefandi
og góð og notaleg

rosa rosaleg
jafnvel pínu betri en...
...ég!
---

(
auka athugasemd:
tussur verandi tússpennar sko!!
)

en jólamaturinn er á leiðinni.. best að drífa sig í sturtu og þetta hefðbundna.. ætli maður raki sig ekki m.a.s. í tilefni dagsins!!

Gleðilega hátíð allir!