til hjálpar lesblindum V

Uppáhalds lesblindinginn minn er að fara í mikilvægt próf í fyrramálið og því um að gera að reyna eftir fremsta megni að hjálpa til. Nú er það orðasúpa sem þarf að komast í gegnum og skilja. Til þess þarf að átta sig á falli orðanna og fleira. Dive in:

Vísan heitir HANA NÚ!, sem er nú orðfæri sem ég hef aldrei almennilega skilið.. en það er annað mál. Ég set pínu skýringar á eftir hverju erindi en þeir sem ekki eru lesblindir þurfa ekkert á þeim að halda.. ;) og geta bara látið sér nægja að lesa sjálf erindin.

HANA NÚ!

Aðalheiður Helga
er aðal heiður Helga.
Já Helgi Heiðar elskar Helgu heitt.
HANA NÚ! Á hana nú
hann hannar hring því hana nú
hann Helgi vill helga sér.
Já Helgi vill Helgu sér
enginn annar má fá neitt.

Já, Helgi Heiðar er semsagt ástfanginn af stúlku sem heitir Aðalheiður Helga og er kölluð Helga. Hún er hans aðal heiður eins og er, hann er viss um að hún sé ástfangin á móti. En sjáum hvernig fer:

Já aðalseiður Helga
er seiður sem að Helga
elskar vonar Helgi Heiðar heitt.
Í einstefnu að amor nú,
HANA NÚ! Hann anar nú!
Já Heiðar vill að Helga
Helga elski Heiðar
en Helga elskar Helga ekki neitt!

æ, æ, hann bað til Guðs og magnaði seiða en allt kom fyrir ekki, Hún vill hann ei.. Hvað gerði Helgi þá?

Á landsins helgiheiðar
hélt hann Helgi Heiðar.
Í ástarsorg, sást æða út í sveit.
En HANA NÚ! hann hannar nú
annan hring á aðra frú
(Hanna heitir frúin sú).
Nú aðal heiður Helga
er Hanna en ekki Helga.
í ástarvímu er æði ástin heit.

Já Hann hélt á hinar helgu heiðar Íslands, og fann hann ekki bara góða og sæta konu þar! Þau ku ennþá vera saman bara.

THE END