5 dagar í Ásdísi

jæja í kvöld var ég að hjálpa Önnu að flytja þriðja kvöldið í röð. Hún er búin að vera svona meginfélagsskapurinn í fjarveru Ásdísar. Nú er flutningunum lokið og ég segi bara takk Anna! fékk bita af pizzu hjá henni bæði í gær og í dag og amrískar pönnukökur með sírópi, smjöri og jarðarberjum í gær.. það var magnað.

Ég læsti mig úti í dag og fór á tveggja klst vergang meðan ég beið eftir nágrannanum sem gat hleypt mér inn í sameign. Kryddar daginn að vera svona vitlaus! fékk mér mangóte á meðan ég beið!

Ásdís fór nakin í eitthvað vatn í Finnlandi í dag! ég veit ekki hvar þetta endar.. hehe!
Svo fer hún út á lífið annað kvöld, laugardagskvöld og mér finnst einhvernveginn ógnandi að vita af elsku stelpunni minni á pöbbarölti í útlöndum með tveimur vinkonum sínum, call me a loser!! En hún er búin að lofa mér að fara varlega og gæta sín í hvívetna..

Ég fer síðan sjálfur í partí líka hjá Birnu kórfélaga þar sem saman verða komnar líklegast 50-60-70 manneskjur eða eitthvað.. eða þúsund eða eitthvað?!... hvort verð ég feiminn eða feiminn? Stefni samt á að skemmta mér og vera lengi þó það verði svona margir og engin Ásdís til að hanga í pilsfaldinum á... Það verður stuð...