ég fokking anga!

Merkilegur réttur í gærkvöldi. Bjó til holu í innanlærisvöðva nauts og tróð geira eftir geira af hvítlauk þar inn. Örugglega sjón að sjá! svipað og að horfa á myndband afturábak af rollu að drulla. Vöðvinn, sem kom af hinu fornfræga býli Munkaþverá í Eyjafjarðarsveit, var mjúkur sem dúnn og angaði skemmtilega af hvítlauk. Ég stakk óvart heilum geira upp í mig og tuggði á og í dag anga ég.

Sjitt hvað ég naut nautsins
af nautaleggnum ægifína.
Þetta var naut allra nauta,
gaf nautnaseggnum nægju sína--
--núna angrar hvítlauksbragðlaukspína.


ps. sem er ágætt reyndar