get huggað mig við... (x+x=2x)

..að nú er búið að stríða mér nóg á næstunni, stríðniskvótinn fyrir næstu 10 ár hlýtur að vera búinn?!

X = Mummi (Akureyri) OG! Nonni (Reykjavík) - bræður mínir semsagt.
(o.fl. vitorðsmenn sem lögðu hönd á plóginn)

Þetta var semsagt samsæri sem teygði anga sína um allt Ísland og ekki nema von þó að ég og mínir helstu ráðgjafar ættum í erfiðleikum með að finna sökudólginn. Mummi var að sjálfsögðu fyrstur á lista grunaðra því uppátækið er týpískt hann! En svo var ljóst að þetta var einhver Reykvíkingur og Mummi því strikaður út. Nonni var sterkt inn í myndinni en hefði þó tæpast tekið upp á þessu einn, en ég er svekktur með að hafa ekki fattað að um samvinnu var að ræða. Ef ég þekki Nonna rétt er hann búinn að hlægja sig illa máttlausan að mér og það er ágætt því hláturinn lengir lífið og því ætti þetta að vega upp á móti sígarettunum ;), hlýtur að bæta svona eins og tveimur árum í sarpinn.

Nú er þessu máli lokið og þar sem ég er góðhjartaður ungur drengur verða engir eftirmálar, en ég vona samt að einhverntímann í fjarlægri framtíð detti mér eitthvað í hug sem kennir þeim lexíurnar sínar. Vissulega vonbrigði að hér var ekki um að ræða íðilfagurt fljóð sem héti mér ævilangri hollustu, en...

oh! að ég skyldi ekki fattetta.
En tannburstinn kemur sér alltént vel!